Elma, nagsalita na matapos kuyugin ng Bini fans si Geybin

 

PHOTO : Elma, Geybin and Bini Mikha

Inulan ng batikos ang kilalang vlogger na si Gavin Capinpin, mas kilala bilang “Ser Geybin” ng Capinpin Brothers, mula sa mga fans ng P-pop girl group na BINI. 

Ito’y matapos umanong bastusin ni Ser Geybin si BINI member Mikha Lim sa isa niyang TikTok Live noong Hunyo 7.

Sa nasabing live, makikitang pumunta si Ser Geybin sa harap ng isang projector screen kung saan naka-play ang video ng BINI.

Ser Geybin binastos si Bini Mikha?

Hindi inasahan ng maraming fans ang ginawa niya, kung saan pinaghahalikan niya ang litrato ni Mikha.

PHOTO : Geybin kisses Bini Mikha on screen

Dahil dito, pinaratangan siya ng ilang Blooms ng pambabastos at pagse-sexualize kay Mikha. 

Pinuna rin ng fans ang kanyang asal, lalo pa’t bata pa si Mikha at teacher siya. 

Dagdag pa rito, may girlfriend na rin umano si Ser Geybin.

Saad ng isang netizen, “We all can’t believe it, Ser Geybin, teacher ka pa naman. Fan mo ako since pandemic, pero now malalaman ko na binabastos mo ang @bini_mikha namin. It’s a big NO for us! We all deserve your explanation! Bakit mo binabastos yung mga pictures ni Mikha?”

Komento naman ng isa pang netizen, “Kakadiri talaga mga taong nagse-sexualize ng idols. Yang si Mikha 20 pa lang yan hoy, Ser Geybin. Umasta ka ng tama.”

Dagdag pa ng isa pang netizen, “May girlfriend ka Geybin. I mean, it’s okay if magkakagusto ka kay Mikha kasi maganda naman talaga siya, pero sana naman hindi binabastos. You’re a good person, Ser Geybin. We are waiting for your explanation, please wag mong bastusin ulit si Mikha.”

Elma, nagsalita na tungkol sa issue ni Geybin sa Bini fans

Samantala, nagsalita naman ang girlfriend ni Ser Geybin na si Elma Asagra hinggil sa isyu. 

Sa kanyang mahabang Facebook post, nilinaw ni Elma na hindi intensyon ni Ser Geybin na bastusin si BINI Mikha. 

Paliwanag pa niya, hindi raw napigilan ni Ser Geybin ang kanyang emosyon at paghanga para kay BINI Mikha.

Ani Elma, “This post is about the issue of my boyfriend, Ser Geybin and Bini Mikha. Hindi po para ipagtanggol siya, instead to clarify everything. Gavin is just being a fan lang po ng BINI, lalo na kay Mikha. He just expressed his admiration and for me there’s nothing wrong po with it. Magkaiba lang po kami ng way dahil may kanya-kanya po tayong ugali. Also, that’s him po, being a funny content creator, lalo na po pag nakilala nyo siya sa personal.”

Sa huli, nilinaw din ni Elma na walang problema sa kanya ang ginawa ni Ser Geybin. 

Aniya, “So kung tatanungin nyo po ako kung okay lang po ba sakin yun, my answer is YES NA YES. Wala pong problema. Kung hindi mo pa siya kilala, try to follow and watch all his videos para mas makilala at maintindihan nyo po siya.”

Maliban dito, inihayag din ni Elma na naiintindihan nila ang nararamdaman ng mga fans ng BINI at humihingi sila ng paumanhin kung nasaktan nila ang mga ito. 

Aniya, “We respect the BINI fans and we understand your feelings. We’re really sorry po if ganun po yung naging dating sa inyo. Let’s spread love lang po. We just love BINI and we really support them.”

Ayon pa kay Elma, okay sila ng BINI. 

Sa katunayan, naka-follow pa raw sila sa isa’t isa. 

Wala rin umanong dapat ipag-alala ang kanilang fans dahil personal na nag-message si Ser Geybin kay BINI Mikha at naayos na raw nila ang lahat.

Aniya, “To our Capinpin fans, thank you so much po sa support at pag-intindi ng nangyari. Let’s respect and understand each other. Wala po kayong dapat ipag-worry guys! We’re good with BINI. Actually, we followed each other pa po bago po may ganyang issue na lumabas and okay naman po kami lahat ‘til now.”

“Ser Geybin already messaged Ms. Mikha for what happened and okay naman po ang lahat on both sides. So guys, spread LOVE lang tayo! We still love BINI. Looking pa din VIP Center tickets!” dagdag niya.