Ama, inatake ang anak na nakahuli sa kanya habang angkas si kabit

- Humingi na ng tulong si Alaissa Marie Cagayat sa programa ni Raffy Tulfo matapos siyang sugurin ng kanyang sariling ama

- Nahuli kasi ni Alaissa na angkas ng kanyang ama sa motor ang kabit nito

- Sapul sa CCTV ang ginawang pagsugod ng ama ni Alaissa at kung paano siya napaupo sa sahig sa sobrang takot

- Depensa ng kanilang ama, hindi lang siya ang may kasalanan at meron ding mga pagkukulang ang kanyang asawa sa kanilang pamilya

Makikita rin na napa-upo na sa takot si Alaissa matapos siyang sugurin ng ama.

Ayon sa kuwento ng anak, matagal na silang namumuhay sa takot dahil sa kanilang ama. Kaya naman napagpasyahan na nilang humingi ng tulong kay Idol Raffy.

Pero depensa ng kanilang ama, wala raw respeto si Alaissa sa kanya kaya niya nagawang sugurin ito sa daan.

Nang makita raw sila nito na magkasama sa motor ay bigla na lang itong sumigaw ng "kabit, kabit" habang maraming tao.

Hindi na raw nakapagpigil si Virgilio nang makita niya na naglabas ng cellphone si Alaissa para kuhaan sila.

Paliwanag ni Alaissa, "Kumuha po kasi ako ng phone kasi vi-video-han ko nga po sila para po ebidensya na magkasama sila. 'Dun po ako inatake ng tatay ko."

Banat naman ni Raffy sa ama, "Paano kayo gagalangin? 'Di kayo ka-galang-galang.. Harap mismo ng anak niyo nangangabit kayo."

Sinabi rin ni Virgilio na hindi lang siya ang may pagkukulang dahil ang ina nina Alaissa na si Conchita Cagayat ay marami ring naging kasalan kagaya raw ng pagiging lasenggera at gumamit pa raw ito ng ipinagbabawal na gamot.

Hindi naman ito itinanggi ng ina nina Alaissa, pero lahat daw ng kasalanang nagawa niya ay ihiningi na niya ng tawad sa kanilang mga anak.

Mensahe ni Alaissa sa ama, "Okay na yung iniwan mo kami, hindi ka nagbibigay samen ng pangtustos. Pero yung saktan mo ako, si mama, tapos yung anxiety na binigay mo kay ate. Araw-araw hindi makatulog si ate dahil baka patayin mo na lang kami."

Watch the video below: